Abasirikare 222 Basezeye Kumirimo yabo bakoraga muri Uganda Gen Muhoozi yabageneye ubutumwa
Gen Muhoozi yashimiye abasirikare 222 bagiye mu kiruhuko cy’izabukuruUmugaba Mukuru w’Ingabo za Uganda (UPDF), Gen Muhoozi Kainerugaba, yashimiye abasirikare 222 bageze ku musozo w’akazi kabo ka gisirikare, abashimira uruhare bagize mu kubaka no kurinda igihugu mu myaka bamaze bakorera Igisirikare cya Uganda.Uyu muhango wabaye ku wa 12 Kanama 2026, ku Cyicaro Gikuru cy’Ingabo za Uganda, i Mbuya mu Mujyi wa Kampala.Mu ijambo rye,
Gen Muhoozi yashimangiye ko abasirikare bagiye mu kiruhuko cy’izabukuru basize umurage ukomeye mu gisirikare no mu gihugu. Yavuze ko ubwitange n’umurimo bakoze mu gihe bari mu kazi byagize uruhare mu gukomeza ubushobozi n’icyubahiro cya UPDF.Mu basirikare basezeye ku mirimo harimo Gen Edward Katumba Wamala, wahoze ari Umugaba Mukuru w’Ingabo za Uganda, ndetse na Lt. Gen Charles Angina, wahoze ari Umugaba Mukuru Wungirije w’Ingabo za Uganda.Aba basirikare bamaze imyaka itandukanye bakorera Igisirikare cya Uganda mu myanya itandukanye, aho bamwe bagiye bakora imirimo y’ubuyobozi bukuru.
Gen Muhoozi yabifurije kuzagira ubuzima bwiza mu kiruhuko cy’izabukuru, anashimira imiryango yabo ku nkunga yabahaye mu gihe bakoraga akazi ko kurinda igihugu.Gusezera ku mirimo kw’aba basirikare 222 ni kimwe mu bikorwa bisanzwe bigamije guha icyubahiro abasirikare barangije igihe cyabo cy’akazi no kubashimira uruhare bagize mu bikorwa by’Ingabo za Uganda.
