NESA yatangaje igihe amanota y’ibizamini bya Leta bisoza Amashuri Abanza n’Icyiciro Rusange azasohokera
Ikigo cy’Igihugu gishinzwe Ibizamini n’Ubugenzuzi bw’Amashuri (NESA) cyatangaje ko amanota y’abanyeshuri bakoze ibizamini bya Leta bisoza amashuri Abanza n’Icyiciro Rusange cy’amashuri yisumbuye mu mwaka w’amashuri wa 2025/2026 azatangazwa ku wa 20 Kanama 2026, guhera saa Munani z’amanywa (14:00).
Aya manota ategerejwe n’abanyeshuri ibihumbi n’ibihumbi bakoze ibizamini bisoza ibyiciro by’amashuri, ndetse n’ababyeyi, abarimu n’ibigo by’amashuri bari bategereje kumenya uko abanyeshuri bitwaye.
Ibizamini byakozwe mu gihugu hoseMu mwaka w’amashuri wa 2025/2026, ibizamini bya Leta bisoza Amashuri Abanza byatangiye ku wa 7 Nyakanga 2026, birangira ku wa 9 Nyakanga 2026.
NESA yatangaje ko muri ibi bizamini hiyandikishije abakandida 277,452, barimo abahungu 123,101 n’abakobwa 154,351. Ibi bizamini byakorewe mu bigo 1,182 hirya no hino mu gihugu.
